Klingelingelingelingeling, klingelingelingelingeling…

Cédric: Da isch de Cédric.

Fabian: Etz gopfätaminamal, Cédric! Nim emal das huere Telefon ab!

Cédric: Hani ja! Da isch de Cédric!

Fabian: Ich will doch nöd immer uf de Dräckstelifonbeantworter…

Cédric: Hey Alte, chum obenabe! ICH. BIN. AM. TELIFON.!

Fabian: Ja, sori. LÄCK BIN ICH GLADE!

Cédric: Wücki?

Fabian: Heb de Latz, susch rüeri imfall grad mis Telifon ad Wand!

Cédric: Du, tuender kän Zwang aa, gä! Ich wür dänn eifach wieder abhänke.

Fabian: ETZ LOSMER ZERSCHT EMAL ZUE, GOPFERFUCKINGTELI!

Cédric: Ich bin ganz Ohr, mini Schultere isch dir, hüüldi uus. Weisch doch, Alte, ich bin immer für dich da.

Fabian: Hey nei, ich glaubs imfall nöd! Die HUERE Gloggechöpf vode SP wänd s Schwarzfahre verbüüte!

Cédric: Hä? Wie etz… Isch das nöd scho lang verbote!? Krass: Bini letschte Samschtig voll somene Souhund uf de Liim kroche, und hanem en Lappe zahlt, woner mis Biliee hät wele gsee, woni nöd gha han. Ich verreck… En LAPPE!

Fabian: Ou, klar isches verbote, Mann! Aber etz wänds es Gsetz mache dezue! Im Nationalrat!

Cédric: Hä? Isch d Summerpause öppe scho wieder ume? Scheisse… Ich gang doch nächscht Wuche id Ferie! Muesi no sones huere Zügnis go mache laa. Voll verpeilt, Mann. Häsch übrigens no chli Gras, Alte? Ich han etz dänn grad nüüt meh…

Fabian: ALTE! FUNKDISZIPLIN! Meinsch eigetli, ich well, dassmi s Sonderiisatzkommando Diamant i minere Loge abem Kajütebett abeschränzt, nur will du es Drogeproblem häsch?!

Cédric: Hey, chum obenabe, Alte. Du bisch wieder voll emotional. Zudem han ich keis Drogeproblem, sondern kei Droge, DAS isch s Problem.

Fabian: PFRÄSSI! ERNSCHTHAFT! Mich interessiert de Haschischscheiss en gschissne Schiissdräck, Scheisse namal. Losischmer eigetli zue?

Cédric: Hä?

Fabian: Ebe: Morn wänds im Nationalrat es Gsetz gäge Schwarzfahrer mache.

Cédric: Die Hünd. Aber egal: ICH mache bi somene Scheiss sicher nöd mit. Aber ich bin ja eh nöd da. Bi huere vercheltet, s zieht glaubs öppsi uuf. (hustet)

Fabian: Nei, etz mal im Ernscht. Mit dem elände Faschogsetz wänds eifach wieder de Asylante as Bei pisse.

Cédric: Hey Alte, SCHWARZfahrer hät imfall nüt mit de Huutfarb ztue, nuso zum säge.

Fabian: Ja, ischmer dänk ä klar. Aber d Asylante händ kä Chole und chönd sich drum käs Biliee chaufe. Drum isch das Dräcksgsetz voll d Diskriminierig. Es Gsetz gäge d Asylante! Und d SP will das understütze! Die gönd doch mit de SVP is Näscht, nei ehrlich! Ich mues glaubs e eigeti Partei gründe!

Cédric: Häsch ja scho d Juso, wo dir ghört. Langetder das nöd?

Fabian: Ja, scho. Aber ich han eifach HUERE viel Idee. Viel HUERE KRASSI Idee. Für die sind d Jusos eifach viel z rächts.

Cédric: Krass, Mann. Du bisch voll extrem links.

Fabian: Uf das chasch Gift näh. Und du mueschmer hälfe debii. Ich will es paar neui Gsetz, und du muesch die dänn in Nationalrat bringe, wännt zrugg bisch us de Ferie.

Cédric: Chömmer mache. Aber das Jahr gaat nüüt meh, gäll. Und nächscht Jahr isch au scho huere äng. Han no es paar Sache buechet. Aber 2016 bini debii, Mann. Ich schwör! Um was gaats dänn?

Fabian: Ich will es Gsetz, wo alles verbüütet, wo Asylante diskriminiert: Ladediebstal zum Bischbpiil. Wänns kä Chole händ, söllene s Chlaue nöd verbote werde. Und Iibrüch au nöd. Ich mein, irgendwoher müend die arme Sieche ja au öppis zfrässe ha und en Flachbildschirmfernseh und es Handy. Susch sinds eifach Mänsche vo zweiter Klass. ALLES legalisiere. Ois gaats ja eh scho huere viel z guet i oisere riiche Schwiiz. Ämel de Riiche.

Cédric: Yeah, LEGALIZE IT! Ich mach voll mit, Mann. De Robin Hood vom Nationalrat und du de Freitag. Voll geil. PEACE!

Fabian: Und das isch erscht de Aafang. Ich will… (erzählt von einem guten Dutzend weiterer Ideen)

Cédric: Chrr…

Fabian: Cédric? CÉDRIC???

Cédric: …

Fabian: Tamisiech! Du bisch ebe au scho sonen Cüpli-Sozi. Machis halt elei, figgdi doch.

—

Referenz: Schwarzfahrer-Zoff in der SP – Kämpfen die Genossen jetzt gegen Asylbewerber?

0